微博

五月嘅最後1日...我終於肯update下我個blog喇!
承認近來好懶, 懶嘅其中一個原因係"中咗微博毒".
因為友人丁生的關係而開咗微博的account, 一開始咗就好似中咗毒一樣,
一起身又會用iphone睇, 等車又睇, 食lunch又睇, 去廁所都可以睇睇, 連瞓之前都要去逛逛先瞓得安樂. 如果你問我有咩好玩, 我用文字答你唔到. 你自己走去開個account你就知喇~

哈哈...科技嘅進步真係令到我嘅生活忙咗好多...有咗msn, facebook之後, 我由古代洞穴人變成鄉下婆, 睡眠時間由一日瞓十個鐘變成九個, 有埋i-phone & 微博後就由鄉下婆變化為"盲中中"盲從跟風去買股票嘅師奶, "咩都唔識, 人玩我又跟", 而睡眠時間更再由九個鐘變成, 七甚至乎六個鐘tim...咁樣落去我ne個壓根兒純種100%古代人嘅物體, 會死得好快...我可以預告埋我個死因你聽, 絕對會係"唔夠瞓"...哈哈!