今次旅程我寄住咗喺好友Jenny在高yen寺嘅舒適的家. 高yen寺係一個既寧靜又舒適嘅住宅區, 而且好近新宿, 搭中央線(橙色嗰條)去只係需要10分鐘左右, 十分之方便. 今次我要再次多謝Kenny話佢個髮型有D似蕭芳芳嘅Jenny收留我...講真佢屋企一個人住真係剛剛好(東京房租都好貴), 加埋我兩個人就真係有D迫ne, 搞到我真係唔係幾好意思. 再一次多謝Jenny San ~~~ 每朝早我就由Jenny屋企經過一堆民居, 轉過九曲十三彎嘅小路和長長嘅商店街去到車站往目的地出發, 每朝早咁樣行一行, 鬆一鬆, 再加上當時d天氣不錯, 唔太熱, 真係好舒適啊~~~~~~ 我都好想去讀吓書, 喺日本住番幾個月, 休息吓~ (發吓夢先!!!)
講番個trip, 我預咗去shopping嘅時間總共計埋晒都只係得2日, 其餘嘅時間都用咗去吃喝玩樂,同親親大自然. 同大自然做朋友方面, 今次我就去了小田原, 小田原城, 箱根湯本, 箱根仙景溫泉旅館, 盧之湖, 行咗明治神宮同根津美術館, ne d都係之前唔會去同無時間去ge...所以今次因為有多d d 時間, 就一於要去一去...~~~
以下嘅相係用我部新相機影ga. 由於係新相機嘅關係, 唔多識用, 所以有d相個focus唔對...激死...HEEEEHEE ~~~
古早風和果子店.
由新宿搭車去小田原, 大約一個半小時, jenny去買黃牛車飛, 單程大約650yen左右.
小田原係一個小鎮, 仲有好多古色古香嘅建築物, 雖然我到嗰日天氣好熱, 但我都忍唔住手喺街影呀影...但係由於之前一晚係搭凌晨機到東京然後直接由東京到小田原箱根, 此刻其實真係體力急降中...相中係其中一間古早風嘅餐廳
小田原城的一角...俾人休息嘅地方...
小田原城...只在外面參觀, 無上去城內睇...原因係要收入場費 : )
城內仲種咗好多花, 主要仲係繡球花tim. 去嘅時候唔係開花季節, 睇唔到開哂花時嘅壯觀場面
小田原城真係好大, 裡面仲有好大個公園, 寺廟...相中係公園內嘅一個大水池
寺廟外給人們祈願嘅地方. 我每次都唔會走去睇人哋寫咗d咩...唔好咁八掛ne...
箱根盧之湖旁...有好多鳥居嘅地方...但係當日下雨了, 在遊湖時睇唔到富士山...激氣!
話說在我哋等上船時, jenny睇中咗一部挾公仔機裡面嘅哈佬咪咪鎖匙扣...我哋就一股作氣, 排除萬難(因為部機本來唔郁, 我哋要叫碼頭d員工幫我哋再開機), 攞出我哋身上所有的100yen,
最後, 好好運嘅jenny竟然在失敗3次下挾到woo...lucky girl ~~~
一朝早, 其實都已經十點, 明治神宮入口...
好壯觀啊.......(神經病!!!???)
用最慢嘅步伐走入去...俾綠色嘅樹林包圍嘅感覺好好啊~~~~
(如果無咗d大聲講野嘅大陸遊客更好)
例必要影的......................
神宮外...裡面唔俾影相架woo ~~~~
神宮外, 另一個角度
神宮入口
去完明治神宮, 走過原宿, 表參道, 一直走, 就咁就去到根津美術館.
根津美術館係日本一個好富有嘅家族擁有架, 因為佢哋好鍾意收藏各式各樣嘅美術品, 所以最後決定建立一間美術館公諸同好. 入場費1,200yen. 美術館內嚴禁攝影, 所以無相睇. 但美術館外佢哋個私家花園, 就隨你點影都得...佢哋個私家花園好大架...仲好靚tim...有花, 有樹, 有竹, 有神像, 有茶道館... ... ... ... ... ...美術館內就定期舉行唔同嘅展覽, 我嗰次去就有日本能劇服飾展覽, 各款石雕神像觀音, 日本古董武士刀/茶道用具展...
有時間, 真係可以去走走...
私家花園內有好多年老夫婦一齊黎散步, 幸福滿載的...
茶道館.
在旅程最後一日去咗一個叫自由之丘嘅地方, 東京一個kind of較好的住宅區.
全都是小平房. 好寧靜嘅地方.
行行吓見到有間寺, 就走進去看看...
寺廟旁唔知點解有4隻可愛嘅青蛙...
最後喺自由之丘一間好多闊太食lunch/tea嘅地方食午飯...餐廳外都有個花園仔架...
仲有幾張"懶"有feel嘅黑白相
No comments:
Post a Comment