花的戰爭

近來公司的女同事都在進行花的戰爭, 事緣自大約一個多月前, 公司一位新上任, 樣唔靚, 身材唔正, 唔鍾意乾淨的女同事收花開始.

唔知係咪公司嘅女同事覺得一個咁嘅人都可以收到花,由於面子的問題, 所以就暗暗進行一場"花的戰爭".

as of today, 公司再有一個, 兩個, 係三個女同事都收到花喇~ 以我嘅記憶, 由我自2005年10月開始喺ne間公司番工以來到2009年1月, 公司的收花事件係5隻手指都可以數晒, 仲有找tim...

唔明d女仔收花嘅心態, 收到花, 又代表到d咩呢? 我都好鍾意花, 家中亦慣常地有擺設花卉的, 但我買花的原因係要美化家居, 令到家中滿室花香, 令人心擴神怡, 而唔係經過計算下, 要向其他人示威所作出的行為.

與其叫你男朋友買束花過你進行幼稚的辦公室花的戰爭, 不如將d$攞去無國界醫生or宣明會捐咗佢. 善有善報!

新blog

點解我個blog好似無人睇咁?因為我根本都無話俾人哋知...係有位好聰明嘅丁生唔知點解會搵到ne~

3月30日 - 星期一

星期日午餐後共去了超過十次廁所, 看醫生, 醫生例牌答案 - "吳小姐你可能食咗d不潔嘅食物, 有輕微嘅腹瀉; 番去定時食藥, 如果再唔舒服先番嚟覆診啦" ~

食完藥, 再斷斷續續去咗幾次廁所, 廁所 - 我張床 - 廁所 - 電腦 - 廁所 - 我張床...成日就咁過咗...

今朝起床, 第一個感覺成個人好似人乾咁, 面有點青, 肚有點唔舒服, 沖好涼, 換好衫, 準備番工之際個衰肚又痛, 搞到我又要折返去廁所; 你知我住悲情城市要去香港區番工要至少40分鐘車程, 中間係無機會落車的, 所以為免明天上報紙頭版"一吳姓女子於巴士上開大臭暈乘客被捕", 最後喺屋企坐咗個幾鐘, 見再無事先再出門口番工, 番到公司11:35是也~

宅女的生活

宅女吳小寶每逢weekday就好想等weekend放假.
每逢weekend放假就唔想走出街.

唔出街, 喺屋企又做咩呢?
睇碟, 睇書, 睇電視, 上網, 食嘢, 瞓覺, 發呆...or咩都唔做~

係咪好宅呢? heehee ~

寵物

我常常都提醒身邊想養寵物嘅朋友, 由你帶佢番屋企嗰刻, 請你預備這個係最少十年嘅責任. 你帶得佢番屋企養, 佢就係你家庭嘅一員. 你會唔會唔要你屋企人? 唔好為自己擺出十萬九千個觀面堂皇嘅藉口點解你唔可以再養佢, 你屋企嘅寵物其實對你無咩要求, 要嘅只係你一點點嘅時間, 一點點嘅關心, 要求就係咁多...被拋棄嘅寵物其實都會傷心同失落, 唔好以為揾到個新主人俾佢就無事, 被拋棄嘅烙印永遠都會留喺佢哋嘅心裡頭．．．

我老板年尾會調任到西班牙, 佢好似唔想帶埋佢隻狗wall-e走, 我希望佢最後會改變佢個決定. 你睇，ｗａｌｌ－ｅ佢幾得意，佢得七個月大ｊａ．．．

養生法之一

來自林夕的一個養生法:

馴服內心之虎. 這可能是我們每天都會面臨的考驗, 故難度高一點也值得當一場遊戲來玩一下. 內心之虎, 就是我們的怒氣. 除非你與世隔絕, 否則, 你是上司你會為下屬的低能或惰性而動怒, 你是下屬會為上司的刻薄或無理取鬧而憤怨, 你關心社會, 會為不平事為不濟的政客而動了義憤.

不過, 可否假設, 動努是你自己的問題, 外緣的遭遇衝突正考驗你的定力, 而你敗在外緣之下, 你並沒有能力處理你的憤怒, 那是你本應可以自決的內心, 放進一頭老虎, 並放縱情緒將之餵大. 如果你的心不能消化這老虎, 便得將之放生, 把怒氣宣洩出來, 但不在對方身上, 這樣只能引致更大的怒氣, 負負得負.

把怒意化解, 無非是再反省, 為甚麼會值得發怒, 即使是義憤, 一經靜心分析, 即化為理性的數據, 義如果要成仁, 也該用平和的手段才能讓義得以彰顯, 罵街並不能把義理還原. 至於令你動怒的人, 就當那是一場因緣, 那是他的業也好, 孽也好, 是衝着你而來, 但你懂得止蝕的好處, 就當是一場夢, 幾多戀愛都可以當沒有發生過的話, 何況是別人給你吃的一點虧? 不動氣, 反而分析對方為甚麼會有這樣的行為, 就可以用一種與己無關的平常心去拆局, 或不拆. 不但可以養生, 更可以增長智慧. 不過, 你做不做得到?

林夕妙語

林夕妙語, 拍案叫絕...

- 拋得開手裡玩具 先懂得好好進睡
- 仰望到太高 貶低的只有自己
- 臉色放在一旁 內心反而寬廣

新買的書: Life of Pi - Yann Martel : After the tragic sinking of a cargo ship, one solitary lifeboat remains bobbing on the wild, blue Pacific. The only survivors from the wreck are a sixteen-year-old boy named Pi, a hyena, a zebra (with a broken leg), a female orang-utan...and a 450-pound Royal Bengal tiger.

閱讀進度

是時候要update一下我的閱讀進度:

看完的:
1. 四重奏 - 亦舒
2. 德芬郡奶油 - 亦舒
3. 愛, 不由自主 - 島本理生

繼續在看的:
1. 原來你非不快樂 - 林夕

買"愛,不由自主"這本書是因為作者的關係; 島本理生 - 1983年出生, 由2001年開始在日本獲得很多文學大獎; 看到作者的簡介, 心想我就是要看看這個比我還年青的女子有什麼了不起的本事. 看完之後的感想是 ---- 雖然她能寫出時下年青人的心態, 可是作品形容詞實在太過冗長; 形容一個公園就用了300字, 形容一個人的神情就用了500字; 可能要拿獎就是要這樣子寫吧, 可是sorry那並不是我的那杯茶.

林夕的那本"原來你非不快樂"比想像中要花時間去看, 去消化, 內裡有很多彿理, 很適合我這種很"灰"的人去看...

新網誌

在友人丁生的極力推薦下, 由2009年3月起我會在BLOGGER繼續我嘅網誌; 大家請多多指教囉！